مال محرق
يمه راشد هات الكاب إلي يم الكرفايه إلي على المرقد صوب
الكشمه اللي عند بانوش ابوك وحاسب لا تتحنقل بالقباب في دربوك
..طبعا محد بيفهم شيئ
مال الحاله
إنته شسموك وجم عمرووك والباقي يالسين على الدجه يم
البراده..
مال قلالي
مب زين لك تفتر هناك بعد الساعه 12بدون ما تعرف احد من
قلالي صبيانهم مسوين عقد مع الداخليه
مال الحد
واحد يكلم رفيجه ،ويقول له سر وعقب خمس دقايق الفريج كله
يدري عن الموضوع حتى الهندي مال البراده ..!!
مال عراد
دوارة في شارع عراد رايحين ويايين ، كل يوم نفس الاوادم وعقب مايشبعون
اتلاقيهم عند القناطر ، او في سيد جسميز ..
مال الرفاع الشرقي
واحد حده صية يازعم بدوي وراكب نيسان ومسوي كوبره وآخرته يطلع
هولي!!!!
مال الغربي
واحد في يده طاره ومعلق في رقبته درنكات والعود على ظهره.
مال مدينة عيسى
24 ساعه طق باليس بالموتر وياخذ له فرتين ويرجع يطقه
باليس!.
مال مدينة حمد
منخشين مالهم حس حالتهم حاله مع الدواوير
الي مسويه شكله مايدري عن مدينة حمد >> ههه والله احنا مساكين خخ
مال الجفير
كله مال القاعدة ومحتلين المطاعم هناك الديرة ديرتهم
واذا فيك خير سو اعمال شغب هناك ، وغير كروزرات اهل قطر ماتشوف
الشقق المفروشة كلها لهم ..
مال عسكر
لازم تقول دعاء السفر قبل ما تروح لهم
مال الحوره
تبي تدل بيتنه؟ سهل! جفت الداعوس إلي يمه داعوسين وسط
الدواعيس الثلاثه إحنه بيتنه في الداعوس الوسطي
مال ستره
ويش بو عبد علي شحوال السمش معاك
مال سند
ماما بليييييز أبي آروح وذ ربعي عشان وي هاف سوم فن.
مال المنامة
أقر تو مردي در بيو سيم تو فيريج خارت در ميارم
مال سار
اعيالهم كله في سينما سار ومايتكلمون غير انكليزي ومالك مطب ريل في الويكند ستاربكس
انت تشوف السيارات برع تخاف ولما ادش ماتلاقي احد ماعرف وين يروحون ..؟؟
مال الصخير
غير الينانوه ودكاتره الجامعه محد ساكن.
ههه لله يزيدهم
وبـس سلامتكم