علمتني ان العطـا لا زاد عـن حـده خطـا

قصيدة ((( علمتني )))

علمتني ان العطـا لا زاد عـن حـده خطـا
وعلمتني ان الجميل مايكفي كفوف البخيـل

وعلمتني ان العيون اليا اعشقت ستر وغطـا
وعلمتني اصدق دروب الحب ماتبغى دليـل

قلي اجل..من هو على خيل التجافي امتطـى؟
واخلف مواعيد العمر غبره ورا صوت الصهيل

كم حافرٍ عدّى على جباه الهقاوي كم وطـا
كم غيمةٍ ظنيتها تمطـر غـلا واثـره هميـل

لاجرح..لادمعة وفا..لاذنب.. لاجسم عليل

ماكنك اللي لاطرى فزت له اشواقـي قطـا
راحت له اكثر من غلاه ولارجع الا القليـل

علمتني واصبحت انا والعلم في حكم البطـا
لادامت وعود الرضا.. ولاعاد بك غصنٍ يميل

نسيت افيدك سيدي بالقول يارخـص العطـا
من يكرمك شمس وقمر مايرجع بطرق الشليل

غايتي أن تنال أعجابكم

مشكور ولا هان منطوقك

يعطيك العافية وماتقصر ابداع بلا حدود